Достони Қаҳваи талх
серияли «Қаҳваи талх» дар жанри комедия, маҳсулли соли 1389 ба коргардонии Меҳрон Мудирӣ ва нависандагии Амирмаҳдӣ Ҷӯла аст. Меҳрон Мудирӣ дар корномаи худ сериалҳои муваффақе чун «Паварчини», «Нуқтаи чин», «Шабҳои Барра», «Боғи Муззафар» ва «Марди ҳазорон чеҳра»-ро сабт карда ва пас аз ин муваффақиятҳо ба сӯи сохти серияли пурбозигар (35 бозигари асосӣ) «Қаҳваи талх» рафт. Тарроҳ ва графисти ин сериал Пантео Воъз Ниё мебошад. «Қаҳваи талх» дар замони пахши худ ба унвони муваффақтарин серияли расонаи хонагӣ ва лақаби пурфурӯштарин серияли солро ба даст овард. Сохти декори ин маҷмӯа аз моҳи меҳри 1388 ва дар макони собиқи сабти серияли тани «Шабҳои Барра» анҷом гирифт. Дар ин серияли ҷаззоб ситорагоне чун Меҳрон Мудирӣ, Сиёмак Ансорӣ, Муҳаммадризо Ҳидоятӣ, Ризо Файз Норуӯзӣ, Ғуломризо Никхоҳ, Барзӯ Арҷманд, Элика Абдурразоқӣ, Саҳар Ҷаъфарӣ Ҷӯзонӣ, Ҳодӣ Козимӣ ва... ба бозигарӣ пардохтаанд. Ин сериал дар ҷашни Ҳофиз барандаи ҷоиза дар бахши беҳтарин бозигари нақши аввали мард (бо бозии Меҳрон Мудирӣ) шуд. Дар хулосаи достони ин сериал омадааст, ки Нимо Занд Каримӣ, ки устоди таърих аст, бо духтаре ошно мешавад, ки дар робита бо даврае таърихӣ таҳқиқ мекард, ки дар ҳеҷ китобе чоп нашудааст. Нимо, ки ақида дошт чунин даврае вуҷуд надорад, барои исботи ҳарфи худ Духтари ҷавонро ҳамроҳӣ мекунад, то ин ки мутаваҷҷеҳ мешавад ҳақ бо Духтари ҷавон аст ва даврае вуҷуд дорад, ки тахти подшоҳӣ дар Теҳрон қарор дошта, аммо дар ҳеҷ китобе аз ин давра нақл нашудааст. Сипас Нимо барои таҳқиқоти бештар вориди кохе мешавад ва қаҳваи талхе менӯшад.
Боргузорӣ кунед
